ບົດນໍາ ຄວາມເປັນມາຂອງມູນນິທິ

ມູນນິທິ ມະຫາສິລາ ວີຣະວົງສ໌ ສ້າງຕັ້ງຂຶ້ນໃນເງື່ອນໄຂທີ່ມີຄວາມສໍາຄັນ ແລະ ຈໍາເປັນຕໍ່ວຽກງານ ການສຶກສາ ແລະວັດທະນະທໍາ ເພື່ອເຮັດໃຫ້ການຄົ້ນຄວ້າທາງດ້ານພາສາ ວັນນະຄະດີ ປະຫວັດສາດ ແລະ ວັດທະນະທໍາ ສິລະປະ ຮີດຄອງປະເພນີ ອັນດີງາມຂອງຊາດລາວ ມີການພັດທະນາໃຫ້ທັນໂລກ ໃຫ້ຮຸ່ນລູກຫຼານເຮົາໄດ້ສຶກສາ ແລະ ນໍາເອົາບົດຮຽນດັ່ງກ່າວ ມາສືບທອດຕາມເຈດຕະນາອັນຖືກຕ້ອງ ພາວະວິໄສ.

ຈຸດປະສົງ ຂອງການ ສ້າງຕັ້ງ ມູນນິທິມະຫາສີລາ ວິຣະວົງສ໌ ແມ່ນເພື່ອ:

ສະໜັບສະໜູນ ດ້ານການສຶກສາ ກ່ຽວກັບ ພາສາ, ວັນນະຄະດີ, ສາສນາ , ຮີດຄອງປະເພນີ ແລະ ປະຫວັດສາດລາວ ອັນເປັນມໍລະດົກ ທາງດ້ານ ວັດທະນະທຳ ຂອງຊາດ.
ໃຫ້ທຶນສະໜັບສະໜູນ ແລະ ສົ່ງເສີມ ບຸກຄົນ ຫຼືການຈັດຕັ້ງ ໃນການຄົ້ນຄວ້າພາສາລາວ, ປະຫວັດສາດ, ສິລະປະ, ວັນນະຄະດີ ອັນເປັນມໍລະດົກວັດທະນະທຳຂອງຊາດ.
ສົ່ງເສີມການຄົ້ນຄວ້າຫຼາຍສາຂາວິຊາ ທີ່ເຊື່ອໂຍງກັບວັນນະຄະດີ, ປະຫວັດສາດ ແລະ ພາສາລາວ.
ໃຫ້ທຶນສະໜັບສະໜູນແກ່ໂຄງການທີ່ສອດຄ່ອງກັບວຽກງານຂອງມູນນິທິ ເຊັ່ນ: ການຈັດພິມປຶ້ມຜົນງານການຄົ້ນຄວ້າຂອງ ມະຫາສີລາ ວິຣະວົງສ໌ ແລະ ນັກຄົ້ນຄວ້າທ່ານອື່ນໆ, ຈັດກອງປະຊຸມຄົ້ນຄວ້າແລກປ່ຽນບົດຮຽນ …

ຂ້າພະເຈົ້າ ຂໍສະແດງຄວາມຂອບໃຈເປັນຢ່າງສູງມາຍັງ ການຈັດຕັ້ງທຸກພາກສ່ວນ ທີ່ອຳນວຍຄວາມສະດວກໃນການສ້າງຕັ້ງ ແລະ ເຄື່ອນໄຫວຂອງມູນນິທິ ມະຫາສິລາ ວີຣະວົງສ໌, ຂໍຂອບໃຈຢ່າງສູງມາຍັງທຸກໆທ່ານ ທີ່ໃຫ້ການອຸປະຖຳ ແລະ ຫວັງວ່າຈະໄດ້ຮັບການ ຊ່ວຍເຫຼືອສືບຕໍ່ເພື່ອເພີ່ມຂະຫຍາຍການໃຫ້ທຶນ ການສຶກສາ, ການຄົ້ນຄ້ວາ ແລະໂຄງການຕ່າງໆທີ່ກ່ຽວຂ້ອງ ໃຫ້ນັບມື້ນັບຫຼາຍ ແລະ ກວ້າງຂວາງຂຶ້ນໄປເລື້ອຍໆ.

ປະທານ ມມສວ

ຈົບປະລິນຍາຕີ ດ້ານວິສະວະກຳກົນຈັກ ຈາກປະເທດອອສເຕຣເລຍ ໃນປີ 1976.
ໄດ້ເປັນວິຊາການ-ຜູ້ອໍານວຍການ ແລະຄະນະອໍານວຍການ ເຂື່ອນນໍ້າງື່ມໃນປີ 1978, ເປັນຄະນະຮັບຜິດຊອບໂຄງການກໍ່ສ້າງເຂື່ອນນໍ້າງື່ມ 1, ເຂື່ອນເຊເສັດ ຈົນຮອດປີ 1989 ແລ້ວຈຶ່ງໄດ້ຮັບຕຳແໜ່ງຜູ້ອໍານວຍການໃຫຍ່ ບໍລິສັດໄຟຟ້າລາວ ຕັ້ງ ແຕ່ປີ 1995-2006, ຫຼັງຈາກນັ້ນ ແຕ່ປີ 2006-2011 ເປັນຫົວໜ້າກົມໄຟຟ້າ ກະຊວງພະລັງງານ ແລະ ບໍ່ແຮ່.
2011-2017 ໄດ້ຮັບການແຕ່ງຕັ້ງເປັນ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່ ເຂົ້າບໍານານ ໃນປີ 2017 ເປັນຕົ້ນມາ.

ຮອງປະທານ

ຈົບຈາກສະຖາບັນ AZPI ບາກູ, ສະຫະພາບໂຊວຽດ ໃນປີ 1987, ໄດ້ຈົບການສຶກສາປະລິນຍາໂທ ວິທະຍາສາດຄອມພິວເຕີ້ ທີ່ສະຖາບັນ AIT ປະເທດໄທ ຕັ້ງແຕ່ປີ 1997 ເປັນຕົ້ນມາ
ໃນປີ 1988 ໄດ້ມາເປັນອາຈານສອນບັນຍາຍ ແລະ ຮອງຫົວໜ້າສູນຄອມພິວເຕີ້ ມະຫາວິທະຍາໄລສັບພະວິຊາ 2ທັນວາ ແລະ ກາຍເປັນຜູ້ກໍ່ຕັ້ງ ແລະ ປະທານ ຜູ້ອໍານວຍການໃຫຍ່ ບໍລິສັດຄອມພິວເຕີດາຕາຄອມ ຈໍາກັດ ຈົນເຖິງປັດຈຸບັນ.
ເຄີຍໄດ້ຮັບກຽດເປັນຮອງປະທານຄະນະບໍລິຫານງານ ສະມາຄົມທຸລະກິດໜຸ່ມລາວ (YEAL), ເປັນປະທານສະມາຄົມ ໄອຊີທີ ລາວ (LICA) ,ເປັນຄະນະບໍລິຫານງານ ຮອງປະທານຜູ້ປະຈໍາການສະພາການຄ້າ ແລະ ອຸດສາຫະກໍາ ແຫ່ງຊາດລາວ (LNCCI) ຫຼື ສຄອຊ ແລະ ສະມາຊິກສະພາແຫ່ງຊາດ (ສູນກາງ) ຊຸດທີ IX ເຂດ 12 ແຂວງຄໍາມ່ວນ ຕັ້ງແຕ່ ປີ 2021.

ກຳມະການ

ຈົບປະລິນຍາຕີ, ປະລິນຍາໂທ ແລະ ປະລິນຍາເອກທີ່ ມະຫາວິທະຍາໄລແຫ່ງຊາດໃນປີ 2012-2025. ໃນການຮໍ່າຮຽນນັ້ນ ໄດ້ບວດເປັນພຣະສົງເພື່ອສຶກສາຮໍ່າຮຽນ ລາສິກຂາໃນປີ 2024 ເລີ່ມເຂົ້າເຮັດວຽກ ຫຼັງຮຽນຈົບໃນປີ 2025 ເປັນພະນັກງານສັງກັດກົມວັນນະຄະດີ ຂອງກະຊວງຖະແຫຼງຂ່າວ ວັດທະນະທໍາ ແລະ ທ່ອງທ່ຽວ.
ມີຜົນງານການລິຈະນາ ແລະ ຄົ້ນຄວ້າວັນນະຄະດີລ້ານຊ້າງ ຄໍາສັບສໍານວນລ້ານຊ້າງບູຮານ ຈັດພິມແລ້ວຫຼາຍເລື່ອງ.
ໄດ້ຮັບຮາງວັນ SEA WRITE ສາຂາກະວີ ປີ 2025.

ຜູ້ອຳນວຍການ

ຈົບປະລິນຍາຕີ ດ້ານວິສະວະກຳກໍໍ່ສ້າງ, ຊັບພະວິຊາ 2 ທັນວາ, ມະຫາວິທະຍາໄລແຫ່ງຊາດລາວ ປີ 1998. ປະລີນຍາໂທ ດ້ານ ບໍລິຫານທຸລະກິດ ມະຫາວິທະຍາໄລ ເທັກໂນໂລຊີ ຊິດນີ້ (UTS) ປະເທດ ອອດສະເຕເລຍ ປີ 2000 ແລະ ສຶກສາໄລຍະສັ້ນ ດ້ານນະໂຍບາຍ ແລະ ການພັດທະນາ ທີ່ມະຫາວິທະຍາໄລ ໄວກາໂຕ້ (Waikato) ປີ 2008, ປະເທດນິວຊີແລນ.
ເປັນພະນັກງານ ດ້ານວິເຄາະໂຄງການ ຂອງທະນາຄານພັດທະນາອາຊີ ADB ປະຈຳລາວ ປີ 2002, ຫົວໜ້າໂຄງການທົດລອງ ພະລັງງານທົດແທນ ເກສຊີວະພາບ, ທີ່ກະຊວງກະສິກຳແລະ ປ່າໄມ້ ປີ 2006, ຮອງຫົວໜ້າ ການຍົກຍ້າຍຈັດສັນ ແລະ ສິ່ງແວດລ້ອມ-ສັງຄົມ ໂຄງການເຂື່ອນ ເທີນ-ຫີນບຸນ ພາກຂະຫຍາຍ ປີ 2009.
2020 ຮອດ ປັດຈຸບັນ, ເປັນຊ່ຽວຊານອິດສະຫຼະ ດ້ານ ສິ່່ງແວດລ້ອມ-ສັງຄົມ ແລະ ການຕິດຕາມ-ປະເມີນຜົນໂຄງການ ໃນຂະແໜງການກະສິກຳ ແລະ ໂຄງລ່າງ ຂອງ ໂຄງການ ADB ແລະ ອົງກອນສາກົນຕ່າງໆປະຈຳລາວ ແລະ ຄະນະບໍລິຫານ ບໍລິສັດທີ່ປຶກສາ ດ້ານ ສັງຄົມ-ສິ່ງແວດລ້ອມ ISE.